Google ADS

Arrestohet një person për djegien e veturave të EVN-së në Tetovë

09:48 | 14 Gusht 2020
A. B.

Në lagjen “Potok” dhe në lagjen Bllok 70 janë djegur dy vetura të EVN-së.

Veturat tashmë ishin larguar nga vendi i ngjarjes kurse nga Njësiti për intervenim gjatë zjarreve thanë se kanë pasur shumë paraqitje nga qytetarët për djegien e veturave në këto dy lagje. EVN është kompani që sjell energjinë elektrike nga furnizuesit shtetëror ELEM dhe MEPSO.

Ngjarja ka ndodhur pas mesnate. Uka Aliti, zjarrfikës nga Tetova, tha para gazetarëve se veturat ishin dëmtuar plotësisht.

Ministria e Punëve të Brendshme njofton se kanë arrestuar një person nga Tetova. I njejti është mbajtur për bisedë informative.

Djegien e veturave të EVN-së e ka dënuar edhe anëtari i këshillit organizativ për organizimin e protestave kundër shtrenjtimit të energjisë elektrike, Arianit Xhaferi, i cili ka thënë se ky akt nuk i ndihmon paqes dhe protestave. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm